வடை வகைகள்

வெஜிடபிள் வடை

தேவையான பொருட்கள் :
விருப்பமான காய் - ஒன்று
பொட்டுக்கடலை - 2 மேஜைக்கரண்டி
அரிசி மாவு - அரை லிட்டர்
மிளகாய் வற்றல் - 8
உப்பு - சிறிது
எண்ணெய் - போதுமானது
செய்முறை :
காயை சுத்தமாகக் கழுவி சிறு துண்டுகளாக நறுக்கிக் கொள்ளவும். வாணலியை அடுப்பில் வைத்து சிறிது எண்ணெய் விட்டு அது கொதித்ததும் நறுக்கிய காய் துண்டுகளை அதில் சேர்த்து புரட்டி புரட்டி நன்கு வேக விடவும். வெந்ததும் அடுப்பை விட்டு இறக்கவும். பொட்டுக்கடலை, மிளகாய் வற்றல், அரிசி மாவு, உப்பு எல்லாம் உரலில் போட்டு இடித்து பவுடராக்கிக் கொள்ளவும். இந்த பவுடரை வெந்த காயுடன் சேர்த்து கலந்து போதிய தண்ணீர் விட்டு கெட்டியாக பிசையவும். வாணலியை அடுப்பில் வைத்து எண்ணெய் விட்டு கொதிக்கத் தொடங்கியதும் கலவையை வடைகளாகத் தட்டிப்போட்டு வெந்ததும் எடுத்துக் கொள்ளவும்.


தவலை வடை

தேவையான பொருட்கள் :
புழுங்கல் அரிசி - ஒரு லிட்டர்
துவரம் பருப்பு - ண் லிட்டர்
உளுந்து பருப்பு - 100 மி.லி.
தேங்காய்த் துருவல் - ஒரு மூடி
பச்சை மிளகாய் - 8
மிளகாய் வற்றல் - 8
காயம் - சிறிது
கடுகு - சிறிது
எண்ணெய் - போதுமானது
உப்பு - சிறிது
செய்முறை :
அரிசியையும், பருப்புகளையும் ஒன்றாகக் கலந்து தண்ணீரில் கொட்டி மூன்று மணி நேரம் ஊறவிடவும். பிறகு தண்ணீரை வடித்துவிட்டு உரலில் போட்டு ஆட்ட வேண்டும். இப்படி ஆட்டும்போது ஒன்றன் பின் ஒன்றாக தேங்காய் துருவல், பச்சை மிளகாய், மிளகாய் வற்றல் ஆகியவற்றையும் சேர்த்து ஆட்ட வேண்டும். பிறகு கடுகை தாளிதம் செய்து கொட்டி நன்கு பிசைய வேண்டும். உப்பும் சேர்க்க வேண்டும். வாணலியை அடுப்பில் வைத்து எண்ணெயை ஊற்றி அது கொதிக்கத் தொடங்கியதும் கலவையை வடைகளாகத் தட்டிப் போட்டு வெந்ததும் எடுத்துக் கொள்ள வேண்டும்.


வாழைப்பூ வடை

தேவையான பொருட்கள் :
வாழைப்பூ - ஒன்று
தேங்காய் துருவல் - ஒரு மூடி
பொட்டுக்கடலை - ஒரு மேஜைக்கரண்டி
அரிசி மாவு - ஒரு மேஜைக்கரண்டி
மிளகாய் வற்றல் - 8
பச்சை மிளகாய் - 5
பெரிய வெங்காயம் - 2
மல்லிக்அரைரை - சிறிது
கறிவேப்பிலை - சிறிது
உப்பு - சிறிது
எண்ணெய் - போதுமானது
செய்முறை :
வாழைப்பூவை நரம்பெடுத்து சுத்தப் படுத்தி துண்டுகளாக நறுக்கவும். பிறகு தண்ணீர் விட்டு வேகவைத்து தண்ணீரை வடித்துவிடவும். உரலில் தேங்காய் துருவல், பொட்டுக்கடலை, மிளகாய் வற்றல், பச்சை மிளகாய் எல்லாம் போட்டு ஆட்டவும். கடைசியாக வெந்த பூவையும் போட்டு ஆட்டவும். நறுக்கிய வெங்காயம், பச்சை மிளகாய், மல்லிக்அரைரை, கறிவேப்பிலை, உப்பு, அரிசி மாவு எல்லாம் கலந்து போதுமான தண்ணீர் சேர்த்து பிசைந்து வாணலியை அடுப்பில் வைத்து எண்ணெய் ஊற்றி கொதித்ததும் வடைகளாக தட்டி வேகவிடவும்.

ஜவ்வரிசி வடை

தேவையான பொருட்கள் :

ஜவ்வரிசி - அரை லிட்டர்

அரிசி மாவு - அரை லிட்டர்

பொட்டுக்கடலை - ஒரு மேஜைக்கரண்டி

பச்சை மிளகாய் - 10

மல்லிக்அரைரை - சிறிது

கறிவேப்பிலை - சிறிது

உப்பு - போதுமானது

எண்ணெய் - போதுமானது

தயிர் - ஒரு லிட்டர்

செய்முறை :

ஜவ்வரிசியை இரண்டு மணி நேரம் தயிரில் கொட்டி ஊறச் செய்யவும். பிறகு அதை உரலில் இட்டு ஆட்டவும். இப்படி ஆட்டும்போது ஒன்றன்பின் ஒன்றாக அரிசி மாவு, பொட்டுக்கடலை, பச்சை மிளகாய், மல்லிக்அரைரை, கறிவேப்பிலை ஆகியவற்றை யும் சேர்த்து ஆட்டவும். கடைசியாக உப்பையும் சேர்த்து எடுத்து நன்றாக பிசைந்து தயாராக வைத்துக் கொள்ளவும். பிறகு வாணலியை அடுப்பில் வைத்து எண்ணெய் ஊற்றி அது கொதிக்கத் தொடங்கியதும் பிசைந்து வைத்துள்ள ஜவ்வரிசி கலவையை வடைகளாகத் தட்டி எண்ணெயில் போட்டு வேகவிட்டு எடுத்துக் கொள்ளவும். இதற்கு சிறிய ஜவ்வரிசியே உகந்தது.

தயிர் வடை

தேவையான பொருட்கள் :

உளுந்து பருப்பு - அரை லிட்டர்

துவரம் பருப்பு - அரை லிட்டர்

மிளகாய் வற்றல் - 10

காயம் - சிறிது

சீரகம் - ஒரு தேக்கரண்டி

உப்பு - சிறிது

கறிவேப்பிலை - சிறிது

எண்ணெய் - போதுமானது

தயிர் - போதுமானது

செய்முறை :

இரண்டு பருப்புகளையும் தனித்தனியே இரண்டு மணி நேரம் தண்ணீரில் ஊறப்போட வும். தண்ணீரை வடித்துவிட்டு இரண்டு பருப்பையும் ஒன்றாக உரலில் போட்டு ஆட்டவும். இப்படி ஆட்டும்போது ஒன்றன்பின் ஒன்றாக மிளகாய் வற்றல், காயம், சீரகம், கறிவேப்பிலை ஆகியவற்றை யும் அதோடு சேர்த்து ஆட்டவும். கெட்டியாக இப்படி ஆட்டி எடுத்த மாவை சிறு சிறு வடைகளாகத் தட்டி கொதிக்கும் எண்ணெயில் போட்டு புரட்டிக் கொடுத்து வேகவைக்கவும். தயிரில் கடுகு தாளிதம் செய்து வெந்த வடைகளை எடுத்து தயிரில் போட்டு ஊறும்படி விடவும்.

மசால் வடை

தேவையான பொருட்கள் :

கடலைப் பருப்பு - அரை லிட்டர்

பச்சை மிளகாய் - 8

மல்லிக்அரைரை - சிறிது

கறிவேப்பிலை - சிறிது

பெரிய வெங்காயம் - ஒன்று

இஞ்சி - ஓர் அங்குலம்

உப்பு - சிறிது

எண்ணெய் - போதுமானது

செய்முறை :

கடலைப் பருப்பை பரப்பி அதன் மேல் தண்ணீர் தெளித்து நனைக்க வேண்டும். இவ்விதம் நனைந்த நிலையில் சுமார் ஒரு மணி நேரம் விட்டுவைத்து பிறகு தண்ணீர் ஊற்றி கழுவ வேண்டும். பிறகு உரலில் இட்டு உப்பு, பச்சை மிளகாய் ஆகியவற்றைச் சேர்த்து ஆட்ட வேண்டும். பிறகு பச்சை மிளகாய், மல்லிக்அரைரை, கறிவேப்பிலை, பெரிய வெங்காயம், இஞ்சி ஆகியவற்றை துண்டு களாக நறுக்கி சேர்த்து நன்கு பிசைந்து கொள்ள வேண்டும். வாணலியில் எண்ணெய் விட்டு அடுப்பிலேற்றி எண்ணெய் கொதித்த தும் வடைகளாக தட்டிப் போட்டு வெந்ததும் எடுத்துக் கொள்ள வேண்டும்.

துவரம் பருப்பு வடை

தேவையான பொருட்கள் :

துவரம் பருப்பு - அரை லிட்டர்

மிளகாய் வற்றல் - 8

சீரகம் - ஒரு தேக்கரண்டி

காயம் - சிறிது

உப்பு - போதுமானது

எண்ணெய் - போதுமானது

செய்முறை :

பருப்பை தண்ணீரில் கொட்டி இரண்டு மணி நேரம் ஊறவிடவும். பிறகு தண்ணீரை வடித்துவிட்டு உரலில் ஆட்டவும். இப்படி ஆட்டும்போது ஒன்றன்பின் ஒன்றாக மிளகாய் வற்றல், சீரகம், காயம் ஆகியவற்றையும் சேர்க்கவும். வாணலியை அடுப்பில் வைத்து எண்ணெய் ஊற்றி அது கொதித்ததும் வடைகளாக தட்டிப்போட்டு வேகவிட்டு எடுக்கவும்.