பக்கோடா வகைகள்

மெது பக்கோடா

தேவையான பொருட்கள் :
பச்சை அரிசி மாவு - அரை லிட்டர்
கடலை மாவு - அரை லிட்டர்
பெரிய வெங்காயம் - ஒன்று
பச்சை மிளகாய் - 8
மல்லிக்அரைரை - சிறிது
கறிவேப்பிலை - சிறிது
உப்பு - போதுமானது
இஞ்சி - ஓர் அங்குலம்
எண்ணெய் - போதுமானது
பேக்கிங் சோடா - ஒரு தேக்கரண்டி
செய்முறை :
பச்சை அரிசி மாவு, கடலை மாவு ஆகியவற்றை ஒன்றாகக் கலந்து தண்ணீர் விட்டுப் பிசையவும். பெரிய வெங்காயம், பச்சை மிளகாய், மல்லிக்அரைரை, இஞ்சி, கறிவேப்பிலை ஆகியவற்றை துண்டுகளாக வெட்டி அதோடு சேர்த்து பிசையவும். கடைசியாக உப்பையும், பேக்கிங் சோடாவை யும் சேர்க்கவும். வாணலியை அடுப்பில் வைத்து எண்ணெய் ஊற்றி அது கொதித்தான தும் கலவையை சிறுசிறு உருண்டைகளாக உருட்டிப் போட்டு வெந்ததும் அரி கரண்டியால் வெளியே எடுத்துக் கொள்ளவும்.

மைதா பக்கோடா

தேவையான பொருட்கள் :

மைதா மாவு - ஒரு லிட்டர்

அரிசி மாவு - அரை லிட்டர்

பெரிய வெங்காயம் - ஒன்று

பச்சை மிளகாய் - 6

இஞ்சி - ஒரு அங்குலம்

கொத்துமல்லிக்அரைரை - சிறிது

கறிவேப்பிலை - சிறிது

உப்பு - போதுமானது

பேக்கிங் சோடா - சிறிது

எண்ணெய் - போதுமானது

செய்முறை :

இரண்டு மாவையும் ஒன்றாகக் கலந்து சலிக்கவும். பெரிய வெங்காயம், பச்சை மிளகாய், இஞ்சி, மல்லிக்அரைரை, கறிவேப் பிலை ஆகியவற்றை துண்டுகளாக நறுக்க வும். சலித்த மாவுடன் தண்ணீர் சேர்த்து கெட்டியாக பிசையவும். நறுக்கிய துண்டுகள், பேக்கிங் சோடா, உப்பு முதலியவற்றை ஒன்றன்பின் ஒன்றாக சேர்த்து நன்கு பிசையவும். வாணலியை அடுப்பில் வைத்து எண்ணெய் விட்டு அது கொதித்ததும் மாவை சிறிது சிறிதாக எடுத்து பிசிறி விட்டு வெந்ததும் அரி கரண்டியால் எடுக்கவும்.

ரிப்பன் பக்கோடா

தேவையான பொருட்கள் :

புழுங்கல் அரிசி - அரை லிட்டர்

கடலை மாவு - அரை லிட்டர்

மிளகாய் வற்றல் - 6

காயம் - சிறிது

உப்பு - சிறிது

எண்ணெய் - போதுமானது

செய்முறை :

புழுங்கல் அரிசியை தண்ணீரில் கொட்டி மூன்று மணி நேரம் ஊறவைத்து தண்ணீரை வடித்து உரலில் இட்டு ஆட்டிக் கொள்ளவும். பிறகு அதோடு கடலை மாவையும், மிளகாய் வற்றல், காயம், உப்பு, ஆகியவற்றையும் ஒன்றுபட ஆட்டிக் கொள்ளவும். வாணலியை அடுப்பில் வைத்து எண்ணெய் ஊற்றி அது கொதிக்கத் தொடங்கியதும் முறுக்கு குழலில் ரிப்பன் அச்சைப் போட்டு பிழிந்து வெந்ததும் எடுக்கவும்.