அடை வகைகள்,

பச்சை அரிசி அடை

தேவையான பொருட்கள் :
பச்சை அரிசி - அரை லிட்டர்
கடலை பருப்பு - அரை லிட்டர்
துவரம் பருப்பு - 200 மி.லி.
பாசிப் பருப்பு - 100 மி.லி.
சீரகம் - ஒரு தேக்கரண்டி
தேங்காய் துருவல் - ஒரு மூடி
காயம் - சிறிது
மிளகாய் வற்றல் - 6
பச்சை மிளகாய் - 6
உப்பு - போதுமானது
செய்முறை :
அரிசியோடு மூன்று பருப்பு வகைகளை யும் ஒன்றாகக் கலந்து தண்ணீரில் கொட்டி மூன்று மணி நேரம் ஊறவைக்கவும். பிறகு உரலில் அவற்றை இட்டு ஆட்டவும். இப்படி ஆட்டும்போது ஒன்றன்பின் ஒன்றாக தேங்காய் துருவல், சீரகம், காயம், மிளகாய் வற்றல், பச்சை மிளகாய் ஆகியவற்றைச் சேர்க்கவும். கடைசியில் உப்பு சேர்த்து அடைக்கல்லில் எண்ணெய் விட்டு அடையாகத் தட்டி இருபுறமும் புரட்டி வேகவிட்டு எடுக்கவும்.


புழுங்கல் அரிசி அடை

தேவையான பொருட்கள் :
புழுங்கல் அரிசி - அரை லிட்டர்
பச்சை அரிசி - அரை லிட்டர்
துவரம் பருப்பு - அரை லிட்டர்
கடலை பருப்பு - 100 மி.லி.
உளுந்து பருப்பு - 50 மி.லி.
காயம் - சிறிது
உப்பு - போதுமானது
மிளகாய் வற்றல் - 8
செய்முறை :
இரண்டு வகை அரிசி, மூன்று வகை பருப்பு ஆகியவற்றை ஒன்றாகக் கலந்து தண்ணீரில் கொட்டி இரண்டு மணி நேரம் ஊறவிடவும். பிறகு தண்ணீரை வடித்துவிட்டு உரலில் இட்டு ஆட்டவும். இப்படி ஆட்டும் போது ஒன்றன்பின் ஒன்றாக மற்றவற்றையும் சேர்த்து ஆட்டி அடைகளாகத் தட்டி வேகவிட்டு எடுத்துக் கொள்ளவும்.
தேங்காய் அடை
தேவையான பொருட்கள் :
புழுங்கல் அரிசி - ஒரு லிட்டர்
தேங்காய் - ஒன்று
புளி - எலுமிச்சம்பழம் அளவு
மிளகாய் வற்றல் - 10
சீரகம் - ஒரு தேக்கரண்டி
உப்பு - 2 தேக்கரண்டி
காயம் - சிறிது
கறிவேப்பிலை - சிறிது
செய்முறை :
தேங்காய் துருவல், புளி, உப்பு, சீரகம், மிளகாய், கறிவேப்பிலை, காயம் எல்லாம் எடுத்து அம்மியில் வைத்து நன்கு அரைக்கவும். தண்ணீரை கொதிக்க வைத்து அதில் அரிசியை கொட்டி மூடி வைக்கவும். இரண்டு மணி நேரத்துக்குப் பிறகு தண்ணீரை வடித்துவிட்டு அரிசியை உரலில் இட்டு ஆட்டவும். பிறகு அதோடு ஏற்கனவே அரைத்து வைத்துள்ள பொருட்களைச் சேர்த்து நன்கு பிசைந்து ஒன்று சேரும்படி செய்யவும். பிறகு ஒரு துண்டு வாழை இலையில் எண்ணெய் தடவி அதில் இந்த கலவையை உருண்டை உருண்டையாக உருட்டி வைத்து கையால் அகலமாகவும், வட்டமாகவும் பரவும்படி தட்டவும். தோசைக்கல்லை அடுப்பில் வைத்து எண்ணெய் விட்டு அதில் தட்டிய அடையை போட்டு வேகவிட்டு புரட்டி மறுபக்கமும் வேகவிட்டு எடுக்கவும்.


அரிசி மாவு அடை

தேவையான பொருட்கள் :
அரிசி மாவு - ஒரு லிட்டர்
பெரிய வெங்காயம் - ஒன்று
பச்சை மிளகாய் - 8
கடலை பருப்பு - 50 மி.லி.
பாசிப் பருப்பு - 50 மி.லி.
தேங்காய்த் துருவல் - ஒரு மூடி
உப்பு - போதுமானது
செய்முறை :
ஒரு பாத்திரத்தில் சிறிது தண்ணீர் வைத்து அடுப்பிலேற்றி கொதிக்க வைக்கவும். கொதிக்கும் நீரில் மாவைச் சேர்த்து கிளறவும். அவசியமானால் மேலும் தண்ணீர் சேர்த்து கிளறவும். பிறகு வெங்காயம், பச்சை மிளகாயை துண்டுகளாக நறுக்கிச் சேர்க்கவும். கடைசியில் தேங்காய் துருவல், உப்பு சேர்த்து பிசைந்து கொள்ளவும். பிசைய அதிகப்படி தண்ணீர் தேவைப்பட்டால் வெந்நீர் சேர்த்து பிசையவும். பிறகு அடை களாகத் தட்டி அடைக்கல்லில் வேகவைத்து எடுக்கவும்.

உப்புமா,

அவல் உப்புமா

தேவையான பொருட்கள் :
கெட்டி அவல் - ஒரு லிட்டர்
எலுமிச்சம் பழம் - 2
ந. எண்ணெய் - 3 மேஜைக்கரண்டி
கடுகு - 2 தேக்கரண்டி
உளுந்து பருப்பு - ஒரு மேஜைக்கரண்டி
கடலை பருப்பு - ஒரு மேஜைக்கரண்டி
பச்சை மிளகாய் - 10
தேங்காய் துருவல் - ஒரு மூடி
உப்பு பவுடர் - ஒரு தேக்கரண்டி
செய்முறை :
அவலை சுத்தம் செய்து ஒரு பாத்திரத்தில் போட்டு அதற்கு மேல் தண்ணீர் நிற்கும் அளவு தண்ணீர் சேர்த்து இரண்டு மணி நேரம் ஊறவைக்கவும். பிறகு தண்ணீரை வடித்து விடவும். வாணலியை அடுப்பில் ஏற்றி துவரம் பருப்பு சேர்த்து பருப்புகள் சிவப்பாக மாறும்வரை புரட்டி, துண்டுகளாக வெட்டிய பச்சை மிளகாய் மற்றும் உப்பைச் சேர்க்கவும். பிறகு ஊறவைத்த அவலையும் போட்டு கிளறவும். நன்கு வெந்ததும் அடுப்பை விட்டு இறக்கி எலுமிச்சை பழத்தைப் பிழிந்துவிட்டு கிளறவும். பிறகு தேங்காய் துருவலை சேர்த்து கிளறிக் கொள்ளவும்.

அரிசி உப்புமா

தேவையான பொருட்கள் :
அரிசிக் குருணை - அரை லிட்டர்
பெரிய வெங்காயம் - ஒன்று
தேங்காய் துருவல் - அரை மூடி
எலுமிச்சம் பழம் - ஒன்று
எண்ணெய் - 2 டேபிள்ஸ்பூன்
உப்பு - 2 தேக்கரண்டி
உளுந்து பருப்பு - ஒரு தேக்கரண்டி
கடலை பருப்பு - ஒரு தேக்கரண்டி
கடுகு - ஒரு தேக்கரண்டி
பச்சை மிளகாய் - ஐந்து
இஞ்சி - ஓர் அங்குலம்
செய்முறை :
வாணலியில் சிறிது எண்ணெய் விட்டு அடுப்பிலேற்றி அதில் பச்சை அரிசிக் குருணையைப் போட்டு லேசாக வறுத்துக் கொள்ளவும். இதை ஒரு தட்டில் கொட்டி ஆறவிட்டு மறுபடி வாணலியை அடுப்பில் வைத்து சிறிது எண்ணெய் விட்டு அதில் துண்டுகளாக நறுக்கிய பெரிய வெங்காயம், தேங்காய் துருவல், பச்சை மிளகாய் துண்டு, இஞ்சித் துண்டு ஆகியவற்றைச் சேர்க்கும் முன் கடுகு, உளுந்து பருப்பு, கடலைப் பருப்பு ஆகிய மூன்றையும் தாளிதம் செய்யவும். தாளிதம் செய்தான பிறகு ஒரு பங்கு குருணைக்கு இரண்டு பங்கு தண்ணீர் வீதம் சேர்த்து கொதி வந்ததும் உப்பு சேர்க்கவும். பிறகு குருணையை கொட்டி கிளறி வெந்ததும் வாணலியின் வாயை ஒரு தட்டால் மூடி சிறிது நேரம் அடுப்பில் வைத்திருந்து இறக்கவும்.

அவல் உப்புமா - 2

தேவையான பொருட்கள் :
கெட்டி அவல் - ஒரு லிட்டர்
எலுமிச்சம் பழம் - ஒன்று
எண்ணெய் - 3 மேஜைக்கரண்டி
தேங்காய் - ஒன்று
பச்சை மிளகாய் - 10
உப்பு - ஒரு மேஜைக்கரண்டி
உளுந்து பருப்பு - ஒரு மேஜைக்கரண்டி
கடலை பருப்பு - ஒரு மேஜைக்கரண்டி
கடுகு - 2 தேக்கரண்டி
செய்முறை :
அவலைச் சுத்தம் செய்து தண்ணீர் ஊற்றி இரண்டு மணி நேரம் ஊறவிடவும். வாணலியை அடுப்பில் வைத்து எண்ணெய் ஊற்றி அதில் கடுகு, கடலைப் பருப்பு, உளுந்து பருப்பு ஆகியவற்றை போட்டுக் கிளறவும். பிறகு ஊறவைத்த அவலை தண்ணீர் வடித்துவிட்டு வாணலியில் சேர்த்துக் கிளறவும். வெந்தானதும் அடுப்பைவிட்டு இறக்கி எலுமிச்சம் பழத்தைப் பிழிந்து விதைகளை நீக்கிவிட்டு அதை உப்புமாவில் சேர்த்து நன்கு கிளறவும். இதன்பின் தேங்காயை துருவி அந்த துருவலையும் சேர்த்து நன்கு கிளறவும். விருப்பம் உள்ளவர்கள் முந்திரி பருப்பையும் நெய்யில் வறுத்து சேர்த்துக் கிளறிக் கொள்ளலாம்.

தோசை வகைகள்,

ராகி தோசை

தேவையான பொருட்கள் :
ராகி - அரை லிட்டர்
பச்சை அரிசி - அரை லிட்டர்
உளுந்து பருப்பு - 200 மி.லி.
உப்பு - போதுமானது
செய்முறை :
ராகி, பச்சை அரிசி மற்றும் உளுந்து பருப்பை தனித்தனியே தண்ணீரில் கொட்டி மூன்று மணி நேரம் ஊறவிடவும். முதலில் ராகியை உரலில் போட்டு ஆட்டவும். பிறகு அதோடு அரிசியை சேர்த்து அரைக்கவும். கடைசியாக உளுந்து பருப்பையும் சேர்த்து அரைக்கவும். பிறகு உப்பு சேர்த்து ஓரிரவு புளிக்க வைத்து மறுநாள் காலையில் தோசை வார்க்கலாம்.
மசாலா தோசை
தேவையான பொருட்கள் :
புழுங்கல் அரிசி - அரை லிட்டர்
பச்சை அரிசி - அரை லிட்டர்
உளுந்து பருப்பு - 200 மி.லி.
மைதா மாவு - 2 மேஜைக்கரண்டி
உப்பு - ஒரு மேஜைக்கரண்டி
எண்ணெய் - போதுமானது
செய்முறை :
இரண்டு அரிசியையும் நன்றாகக் கலந்து தண்ணீரில் ஊறப்போடவும். உளுந்து பருப்பை தனியாக ஊறப்போடவும். நான்கு மணி நேரம் ஊறியதும் அரிசியை உரலில் இட்டு ஆட்டவும். நைசாக ஆட்ட வேண்டியதில்லை. உளுந்து பருப்பை நைசாக ஆட்டி இரண்டு மாவையும் ஒன்று கலந்து மைதா மாவையும் சேர்க்கவும். பிறகு ஓர் இரவு அப்படியே வைத்து மறுநாள் காலையில் உப்பு சேர்த்து கலக்கிக் கொள்ளவும்.
பிறகு உருளைக்கிழங்கை வேகவைத்து உரித்து தனியே மசாலா தயாரித்துக் கொள்ளவும். தோசைக்கல்லை அடுப்பில் வைத்து எண்ணெய் ஊற்றி மாவை கல்லில் ஊற்றி பரப்பிவிடவும். ஒரு கரண்டி மசாலாவை நடுவே வைத்து தோசையில் ஒரு பக்கத்தை தூக்கி மசாலாவை மூடவும். புரட்டிப்போட்டு எடுத்துக் கொள்ளவும்.
தேங்காய் தோசை
தேவையான பொருட்கள் :
பச்சை அரிசி - அரை லிட்டர்
தேங்காய் - ஒரு மூடி
உப்பு - ஒரு தேக்கரண்டி
செய்முறை :
பச்சை அரிசியை தண்ணீரில் கொட்டி இரண்டு மணி நேரம் ஊறவைத்து உரலில் போட்டு ஆட்டவும். தேங்காய் துருவலையும் அதோடு பிறகு சேர்க்கவும். கடைசியாக உப்பையும் சேர்த்து உடனடியாக தோசை வார்க்கலாம். மாவு புளிக்கத் தேவை இல்லை.


வெந்தய தோசை

தேவையான பொருட்கள் :
பச்சை அரிசி - அரை லிட்டர்
புழுங்கல் அரிசி - அரை லிட்டர்
வெந்தயம் - 2 தேக்கரண்டி
உளுந்து பருப்பு - 2 தேக்கரண்டி
மிளகாய் வற்றல் - 5
தயிர் - ஒரு தேக்கரண்டி
உப்பு - போதுமானது
செய்முறை :
அரிசிகள், வெந்தயம், உளுந்து பருப்பு எல்லாவற்றையும் ஒன்றாகக் கலந்து தண்ணீரில் கொட்டி நான்கு மணி நேரம் ஊறியதும் உரலில் இட்டு ஆட்டவும். ஆட்டும்போது மிளகாய் வற்றல், தயிர், உப்பு ஆகியவற்றை ஒன்றன்பின் ஒன்றாக சேர்த்து அரைக்கவும். ஓர் இரவு புளிக்க வைத்து மறுநாள் காலையில் தோசை வார்க்கவும்.
இட்லி - தோசை ஆகிய இரண்டுக்குமே உப பதார்த்தமாக சாம்பர், சட்னி அல்லது இட்லி பொடி தேவை. ஒவ்வொருவருக்கும் ஒவ்வொரு வித உப பதார்த்தம் பிடித்தமாக இருக்கும். ஆகவே அவரவருக்கு பிடித்தமான உப பதார்த்தத்தை சப்ளை செய்தாக வேண்டும். ஆகவே இந்த மூன்று வகை உப பதார்த்தங்களும் தயாராக வைத்து அவரவருக்கு எந்த உபபதார்த்தம் விருப்பமோ அதை சப்ளை செய்ய வேண்டும். இரண்டு உப பதார்த்தம் விரும்பினாலும் அவ்விதமே சப்ளை செய்ய வேண்டும். சாம்பாரைப் பொறுத்தவரை சாம்பார் பொடி தயாரித்துக் கொண்டு ஏதாவது ஒரு காயை பயன்படுத்தி சாம்பார் தயாரித்துக் கொள்ளலாம். இட்லி பொடியை பொறுத்தவரை எண்ணெய் சேர்ப்பது அவசியம்.

மைதா தோசை

தேவையான பொருட்கள் :
மைதா மாவு - அரை லிட்டர்
அரிசி மாவு - அரை லிட்டர்
புளித்த மோர் - போதுமானது
சிறிய வெங்காயம் - 15
பச்சை மிளகாய் - 15
உப்பு - போதுமானது
கடுகு - ஒரு தேக்கரண்டி
இஞ்சி - சிறிது
எண்ணெய் - போதுமானது
செய்முறை :
இரண்டு மாவையும் நன்றாகக் கலந்து உப்பு சேர்த்து மோர் விட்டு கரைத்து துண்டு செய்த வெங்காயம், பச்சை மிளகாய், இஞ்சி சேர்த்து அடுப்பில் தோசைக்கல்லை வைத்து தோசை வார்க்கலாம்.

சூப் வகைகள்,

வெஜிடபிள் சூப்

தேவையான பொருட்கள் :

உலர்ந்த பேரீச்சை - 6
எண்ணெய் - 1 மேசைக்கரண்டி
இஞ்சி (பொடியாய் நறுக்கி) - 1 தேக்கரண்டி
பூண்டு (பொடியாய் நறுக்கி) - 1 தேக்கரண்டி
பச்சை மிளகாய் (பொடியாய் நறுக்கி) - 1 தேக்கரண்டி
கதம்ப காய்கறிகள் - 2 கோப்பை
(சிறு துண்டுகளாக்கிய முட்டைகோசு,
கேரட், பீன்ஸ், காளான், வெங்காயத்தாள்,
குடமிளகாய், மூங்கில் குருத்து)
அஜினோமோட்டோ - 1 சிட்டிகை
வெள்ளை மிளகு - அரை தேக்கரண்டி
உப்பு - ருசிக்கு ஏற்ப
தண்ணீர் - 4 கோப்பை
சோயா ஸாஸ் - 1 மேசைக்கரண்டி
மிளகாய் குழம்பு (ளீஜுஷ்யியிஷ் றீழிற்உள) - 1 தேக்கரண்டி
சோம்புப் பொடி - கால் தேக்கரண்டி
அவித்த நூடுல்ஸ் - அரை கோப்பை

தூவி அலங்கரிக்க :

கொத்துமல்லித் தழை (பொடியாய் நறுக்கி)
- 1 மேசைக்கரண்டி

செய்முறை :

பேரீச்சம் பழத்தை அரை கோப்பை சுடுநீரில் இட்டு ஒரு மணி நேரம் ஊறவிடவும். பழத்தின் ஈரம் போக்கி ஒவ்வொன்றையும் 4 சதுரத் துண்டுகளாக்கவும். விதைகளை எறிந்துவிடவும்.
வாணலியில் எண்ணெய் வைத்து சூடேற்ற வும். இஞ்சி, பூண்டு, பச்சை மிளகாய் ஆகிய வற்றை சில நொடிகள் வதக்கவும். அனைத்து காய்களையும், அஜினோ மோட்டோ, மிளகு மற்றும் உப்பு சேர்க்கவும். கொழுந்து விட்டெறியும் தீயில் 2 நிமிடம் வைத்திருக்க வும். கலவையை வாணலியில் இருந்து கிண் ணத்துக்கு மாற்றி ஒருபுறமாக வைக்கவும்.
எஞ்சியுள்ள 3அரை கோப்பை தண்ணீரை வாணலியில் வைத்து சோயா ஸாஸ், மிளகாய் குழம்பு (ளீஜுஷ்யியிஷ் றீழிற்உள), சோம்புப் பொடி, உப்பு, பேரீச்சை, நீர் (பேரீச்சை ஊறவைத்தது) ஆகியவற்றை சேர்த்து கொதிக்க விடவும். குறைவான தீயில் 5 நிமிடம் மூடாமல் வைக்கவும். காய்கறி, நூடுல்ஸ் சேர்க்கவும். நன்றாகக் கலந்து பெரிய தீயில் ஒரு நிமிடம் வைக்கவும். மூடத் தேவையில்லை. கொத்துமல்லித் தழை தூவி அலங்கரிக்கவும்.
வினிகரில் ஊறிய பச்சை மிளகாய், சோயா ஸாஸ், கடும் சுவைக் குழம்பு (வீழிஐஆதீ றீழிற்உள), மிளகாய் குழம்பு (ளீஜுஷ்யியிஷ் றீழிற்உள), செகுவான் ஸாஸ் இவற்றில் ஒன்றை தொட்டுக்கொள்ளப் பயன்படுத்தலாம்.


ஸ்வீட் கார்ன் சூப்

தேவையான பொருட்கள் :

சோளம் பெரிய சைஸ் - 1 (முற்றாதது)
தண்ணீர் - 4அரை கோப்பை
இஞ்சிப்பசை - 1அரை தேக்கரண்டி
அஜினோமோட்டோ - 1 சிட்டிகை
கருமிளகு - அரை தேக்கரண்டி
சர்க்கரை - 1 தேக்கரண்டி
உப்பு - ருசிக்கு ஏற்ப
சோளமாவு (அரை கோப்பை நீருடன் கலந்து)
- 4 மேசைக்கரண்டி
தண்ணீர் - அரை கோப்பை

தூவி அலங்கரிக்க :
முறுகலான நூடுல்ஸ் - ண் கோப்பை

செய்முறை :

சோளத்தின் உறை போன்ற பகுதியை அகற்றிவிடவும். சோளத்தை இரண்டு துண்டுகளாக நறுக்கவும். மூடிய பாத்திரம் அல்லது ப்ரஷர் குக்கரில் 2அரை கோப்பை தண்ணீர் வைத்து சோளத்தை வேகவிடவும். உப்பு சேர்க்கத் தேவை இல்லை. ஆறியதும் சோளமணிகளை உதிர்த்துக் கொள்ளவும். சோளம் அவித்த நீரை ஒதுக்கிவிட வேண்டாம். சோளத்தில் உள்ள உயிர்ச் சத்துக்கள் அதிலும் இருக்கும்.
வாணலியில் சோளமணிகளைப் போட்டு, சோளம் அவித்த நீர், மிச்சமிருந்த 2 கோப்பை தண்ணீர், இஞ்சிப்பசை, அஜினோ மோட்டோ, மிளகுத்தூள், சர்க்கரை, உப்பு சேர்க்கவும்.
நன்றாகக் கலக்கி கொதிக்கவிடவும். மூட வேண்டியதில்லை. தீயைக் குறைத்து 7 நிமிடம் வேகவிடவும். கலவையை மத்தி னால் மசித்துக் கொள்ளவும். சோளமாவை சூப் திடமாகிறவரை சேர்க்கவும். பரிமாறு வதற்கு முன் முறுகலான நூடுல்ஸ் தூவிக் கொள்ளவும். சூடாகப் பரிமாறலாம்.


தக்காளி சூப்

தேவையான பொருட்கள் :
எண்ணெய் - 2 மேசைக்கரண்டி
இஞ்சிப்பசை - அரை தேக்கரண்டி
பூண்டுப் பசை (விரும்பினால்) - 1 தேக்கரண்டி
கொத்துமல்லித்தழை
(சன்னமாய் நறுக்கியது) - 2 மேசைக்கரண்டி
புதிதான இலை (சன்னமாய் துணித்து)
- 1 மேசைக்கரண்டி
அஜினோமோட்டோ - 1 சிட்டிகை
ஸ்டாக் (அ) நீர் - 3அரை கோப்பை
கருமிளகு - அரை தேக்கரண்டி
சர்க்கரை - 1 தேக்கரண்டி
உப்பு - ருசிக்கு ஏற்ப
சோளமாவு (கால் கப் நீரில் கரைத்து) - 1 மேசைக்கரண்டி
தூவி அலங்கரிக்க :
கொத்துமல்லித்தழை (பொடியாய் நறுக்கி)
- 2 மேசைக்கரண்டி
செய்முறை :
சுடுநீரில் தக்காளிகளை ஒரு நிமிடம் வைத்திருக்கவும். பிறகு ஈரம் போக்கி, தோலை அகற்றவும். சிறு துண்டுகளாக்கவும்.
வாணலியில் எண்ணெயை ஊற்றி சூடேற்றவும். இஞ்சிப்பசை, பூண்டுப்பசை, கொத்துமல்லித்தழை, புதினா இலை சேர்க்கவும். அரை நிமிட நேரம் புரட்டவும். தக்காளி, அஜினோமோட்டோ சேர்த்து, உச்ச அளவுத் தீயில் 3 நிமிடம் வதக்கவும். ஸ்டாக் (அ) நீர், மிளகு, சர்க்கரை மற்றும் உப்பு சேர்த்துக் கொள்ளவும். நன்றாகக் கலக்கி, கொதி நிலைக்குக் கொண்டுவரவும். தீயைக் குறைத்து 7 நிமிடத்திற்கு கொதிக்க விடவும். மூடத் தேவையில்லை. சூப் ~திக்|காகிறவரை சோளமாவுக் கரைசலை சேர்த்து கிளறிக் கொண்டே இருக்கவும். கொத்துமல்லித் தழை தூவி, சூடாகப் பரிமாறலாம்.



கதம்ப சூப் 

தேவையான பொருட்கள் :
எண்ணெய் - 2 மேசைக்கரண்டி
இஞ்சி (சன்னமாய் நறுக்கி) - 1 தேக்கரண்டி
பூண்டு (சன்னமாய் நறுக்கி) - 1 தேக்கரண்டி
பச்சை மிளகாய் (சன்னமாய் நறுக்கி) - 1 தேக்கரண்டி
வெங்காயத்தாள் (சன்னமாய் நறுக்கி) - 1 தேக்கரண்டி
முட்டைக்கோசு (சன்னமாய் நறுக்கி) - கால் கோப்பை
காலிபிளவர் (சன்னமாய் நறுக்கி) - கால் கோப்பை
கேரட் (சன்னமாய் நறுக்கி) - கால் கோப்பை
பிரெஞ்சு பீன்ஸ் (சன்னமாய் நறுக்கி) - கால் கோப்பை
தக்காளி (சன்னமாய் நறுக்கி) - கால் கோப்பை
காளான் (விரும்பினால்) (சன்னமாய் நறுக்கி)
- கால் கோப்பை
பச்சை மிளகாய் (சன்னமாய் நறுக்கி) - கால் கோப்பை
அஜினோமோட்டோ - 1 சிட்டிகை
ஸ்டாக் (அ) நீர் - 4 கோப்பை
வெள்ளை மிளகு - 1 தேக்கரண்டி
சர்க்கரை - 1 தேக்கரண்டி
சோயா ஸாஸ் - 1 தேக்கரண்டி
வினிகர் - 1 தேக்கரண்டி
உப்பு - ருசிக்கு ஏற்ப
சோளமாவு (கால் கப் நீர் கலந்து) - 2 மேசைக்கரண்டி
தூவி அலங்கரிக்க :
கொத்துமல்லித் தழை (சன்னமாய் நறுக்கி) - 2 மேசைக்கரண்டி
செய்முறை :
வாணலியில் எண்ணெயை சூடுபடுத்தவும். இஞ்சி, பூண்டு, பச்சை மிளகாய், வெங்காயத் தாள் சேர்க்கவும். அரை நிமிடம் வதக்கவும். காய்கள், அஜினோமோட்டோ மற்றும் உப்பு சேர்க்கவும். தீயை உச்ச அளவில் வைத்து 2 நிமிடம் வதக்கவும். வாணலியில் இருந்து மாற்றி ஒருபுறமாக வைக்கவும்.
ஸ்டாக் (அ) நீர், வெள்ளை மிளகு, சர்க்கரை, சோயா ஸாஸ், வினிகர் மற்றும் உப்பை ஒன்று சேர்க்கவும். நன்றாகக் கிளறி கொதிக்க விடவும். குறைவான தீயில் 2 நிமிடத்திற்கு மூடாமல் வைக்கவும். சோளமாவு சேர்த்து சூப்பை திடமாக்கவும். தயார் செய்திருந்த காய்களின் கலவையை சேர்க்கவும். குறைவான தீயில் 3 நிமிடத்திற்கு மூடாமல் வைத்திருக்கவும். கிளறி விடவும். கொத்துமல்லித் தழை தூவி அலங்கரிக்கவும். சூடாகப் பரிமாறலாம்.


பச்சைப் பட்டாணி சூப்

தேவையான பொருட்கள் :
ஸ்டாக் அல்லது தண்ணீர் - 3அரை கோப்பை
இஞ்சி (பொடியாய் நறுக்கியது)
- 1 தேக்கரண்டி
பச்சைப் பட்டாணி - 1 கோப்பை
தக்காளி - 2 (பெரிய சைஸ்)
பாலடைக் கட்டி - அரை கோப்பை
(சிறிய சதுரங்களாய்)
(கால்ளு மு கால்ளு) அளவு, லேசாக ஃப்ரை செய்தது)
அஜினோமோட்டோ - 1 சிட்டிகை
வெள்ளை மிளகு - அரை தேக்கரண்டி
சர்க்கரை - 1 தேக்கரண்டி
உப்பு - ருசிக்கு ஏற்ப
சோயாஸாஸ் - 1 மேசைக்கரண்டி மிளகாய்குழம்பு (ளீஜுஷ்யியிஷ் றீழிற்உள) - 1 தேக்கரண்டி
சோளமாவு (கால் கோப்பை நீர் கலந்து)
- 2 மேசைக்கரண்டி
தூவி அலங்கரிக்க :
கொத்துமல்லித் தழை (பொடியாய் நறுக்கி)
- 1 மேசைக்கரண்டி
செய்முறை :
சிறிது சூடான நீரில் தக்காளியை ஒரு நிமிடம் வைத்திருக்கவும். ஈரம் போக்கி, தோலை அகற்றவும். சிறு துண்டுகளாக்கி ஒருபுறம் வைக்கவும்.
~ஸ்டாக்|கை கொதிக்கவிடவும். இஞ்சி, பச்சைப் பட்டாணி சேர்க்கவும். கலவையை மூடாமல் குறைவான தீயில் 5 நிமிடம் வேகவிடவும். தக்காளி, பாலடைக்கட்டி, மிளகு, அஜினோமோட்டோ, சர்க்கரை, உப்பு சேர்க்கவும். 3 நிமிடம் வேகவிடவும். சோயா ஸாஸ், மிளகாய் குழம்பு (ளீஜுஷ்யியிஷ் றீழிற்உள) சேர்க்கவும். சோளமாவு சேர்த்து, சூப் திடமாகிறவரை தொடர்ந்து கிளறிக் கொண்டே இருக்கவும். கொத்துமல்லித் தழை தூவி அலங்கரிக்கவும்.

டிஃபன் வகைகள்,

மல்லிக் கீரை கிச்சடி
















தேவையான பொருட்கள் :

அரிசி - 4 கப்
பச்சை பட்டாணி - 4 கப்
மல்லிக்அரைரை - 2 கட்டு
தேங்காய்த்துருவல் - ஒரு தேங்காய்
பூண்டு பற்கள் - 20
இஞ்சி - ஓர் அங்குலம்
பச்சை மிளகாய் - 8
பெரிய வெங்காயம் - 2
நெய் - 2 கப்
உப்பு - போதுமானது

செய்முறை :

மல்லிக்அரைரையை சுத்தம் செய்து துண்டுகளாக நறுக்கி அம்மியில் வைத்து அதோடு தேங்காய்த் துருவல், பூண்டு, இஞ்சி, பச்சை மிளகாய் ஆகியவற்றைச் சேர்த்து நன்கு அரைத்துக் கொள்ளவும். அடுப்பில் வாணலியை வைத்து நெய் ஊற்றி அதில் வெங்காயத் துண்டுகளைச் சேர்த்து வதக்கவும். பிறகு அரைத்த மசாலாக்களை அதோடு சேர்த்துக் கிளறவும். அரிசி, பச்சைப் பட்டாணி ஆகியவற்றை சுத்தம் செய்து கழுவி சேர்க்கவும். அப்போது உள்ள லெவலுக்கு மேல் அரை அங்குலம் நிற்கும் விதத்தில் கொதிக்கும் நீரை ஊற்றவும். பிறகு கிளறவும். நன்கு அரிசி வெந்ததும் அடுப்பைவிட்டு இறக்கிக் கொள்ளவும்.


வெஜிடபிள் கிச்சடி

தேவையான பொருட்கள் :

அரிசி - 4 கப்
பச்சை பட்டாணி - 2 கப்
உருளைக்கிழங்கு - 6
காலிஃபிளவர்
   துண்டு செய்தது - 2 கப்
காரட்
   துண்டு செய்தது - ஒரு கப்
தக்காளி பெரியது - 4
வெங்காயம் - 4 (பெரியது)
பூண்டு பற்கள் - 6
இஞ்சி - 4 அங்குலம்
ஏலக்காய் - 8
கிராம்பு - 8
மசால் பட்டை - 2 அங்குலம்
மஞ்சள் பவுடர் - 2 தேக்கரண்டி
கசகசா - 6 தேக்கரண்டி
மல்லிக்அரைரை
 துண்டுகளாக்கியது - சிறிது
பச்சை மிளகாய் - 8
மிளகாய் பவுடர் - சிறிது
குங்குமப்பூ - 2 தேக்கரண்டி
பாதாம் பருப்பு - 20
கிஸ்மிஸ் - 20
வெங்காயம் - 6
நெய் - போதுமானது
உப்பு - போதுமானது

செய்முறை :

வெங்காயத்தை துண்டுகளாக நறுக்கவும். வாணலியில் நெய் விட்டு அடுப்பிலேற்றி வெங்காயத் துண்டுகளை வதக்கவும். உரித்த பூண்டு பற்கள் மற்றும் இஞ்சி ஆகியவற்றை துண்டுகளாக நறுக்கிச் சேர்க்கவும். ஏல அரிசி, மசால் பட்டை, கிராம்பு, மஞ்சள் பவுடர், கசகசா, மிளகாய் பொடி, பச்சை மிளகாய்த் துண்டுகள் ஆகியவற்றை ஒன்றன் பின் ஒன்றாகச் சேர்க்கவும். எல்லாம் நன்கு ஒன்று சேரும்படி கிளறி பிறகு தக்காளியை நான்கு துண்டுகளாக நறுக்கிச் சேர்க்கவும். காரட்டையும் நறுக்கிச் சேர்க்கவும். பிறகு பச்சைப் பட்டாணியை சேர்க்கவும். காலிஃபிளவர், உருளைக்கிழங்கு ஆகிய வற்றையும் துண்டுகளாக நறுக்கிச் சேர்க்கவும். எல்லாம் நன்கு ஒன்று சேர்ந்ததும், ஒரு பெரிய பாத்திரமாக எடுத்து மாறிமாறி அடியில் ஒரு லேயர் அரிசி அதற்கு மேல் வெஜிடபிள் லேயர் அதற்கு மேல் அரிசி லேயர் இவ்விதம் மாறி மாறி போட்டு உச்சி லேயர் அரிசியாக இருக்கும்படி பார்த்துக்கொள்ள வேண்டும். உச்சியில் நெய்யை தெளித்து பாலில் குங்குமப்பூவை கரைத்து அதையும் சேர்த்து இறுக மூடி மிதமான தீயில் சுமார் 20 நிமிடம் வேக வைத்து பாதாம் பருப்பு, கிஸ்மிஸ், வதக்கிய வெங்காயம் ஆகியவற்றையும் சேர்த்துக் கிளறிக் கொள்ளவும்.


வெஜிடபிள் கிச்சடி - 2




















தேவையான பொருட்கள் :

அரிசி - 2 கப்
எலுமிச்சம் பழம் - ஒன்று
துவரம் பருப்பு - அரை கப்
பெரிய வெங்காயம் - 4
உருளைக்கிழங்கு - 2 (பெரியது)
தக்காளி - 2 (பெரியது)
பச்சைப் பட்டாணி - அரை கப்
காலிஃபிளவர்
  (துண்டாக்கியது) - அரை கப்
இஞ்சி - 4 அங்குலம்
பச்சை மிளகாய் - 8
மிளகாய் வற்றல் - 4
சீரகம் - 2 மேஜைக்கரண்டி
ஏலக்காய் - 10
மிளகு - 8
கிராம்பு - 8
பட்டை - 2 அங்குலம்
மஞ்சள் பவுடர் - 2 தேக்கரண்டி
நெய் - 4 மேஜைக்கரண்டி

செய்முறை :

அரிசியையும், துவரம் பருப்பையும் ஒன்றாகக் கலந்து தண்ணீர் ஊற்றி நன்கு அலம்பவும். தக்காளி, காலிஃபிளவர், உருளைக்கிழங்கு ஆகியவற்றைத் துண்டு துண்டாக நறுக்கிக் கொள்ளவும். வெங்காயம், இஞ்சி ஆகியவற்றையும் சிறுசிறு துண்டு களாக நறுக்கிக் கொள்ள வும்.
வாணலியை அடுப்பில் வைத்து நெய் ஊற்றி அதில் சீரகம், பட்டை, மிளகு ஆகியவற்றை ஒன்றன் பின் ஒன்றாக பொரித்து எடுத்துக்கொள்ளவும். பிறகு வாணலியில் வெங்காயத்தைப் போட்டு வதக்கவும். பிறகு இஞ்சித் துண்டுகளையும் போட்டு வதக்கவும். பிறகு பொரித்தவற்றையும் ஒன்றன் பின் ஒன்றாக அவற்றோடு சேர்த்துக் கிளறவும். பச்சை மிளகாய், மிளகாய் வற்றல் ஆகியவற்றை நெட்டு வாக்கில் அதாவது நீளவாக்கில் பிளந்து அதோடு சேர்க்கவும். பிறகு மஞ்சள் பவுடர், உப்பு ஆகியவற்றைச் சேர்க்கவும். சிறிது நேரம் எல்லாவற்றையும் கிளறியானதும் இரண்டு கப் தண்ணீரை அவற்றுடன் சேர்க்கவும். இதன் பிறகு விரும்பினால் துண்டு துண்டாக நறுக்கிய காய்கறிகளை ஒன்றன் பின் ஒன்றாகச் சேர்க்கவும். பிறகு கழுவி சுத்தம் செய்து வைத்துள்ள அரிசி, பருப்பு ஆகியவற்றையும் சேர்க்கவும். இந்த நிலையில் அரிசி எந்த லெவலில் உள்ளதோ அதற்கு மேல் ஓர் அங்குலம் இடைவெளி விட்டு ஒரு தட்டால் மூடி பதினைந்து நிமிடம் தொடர்ந்து வேகவிடவும். வெந்தானதும் அடுப்பைவிட்டு இறக்கிக் கொள்ளவும்.


காரட் கிச்சடி

தேவையான பொருட்கள் :

காரட் - ஒரு கிலோ
அரிசி - 1அரை கிலோ
மிளகு - 20
கிராம்பு - 10
உப்பு - போதுமானது
மிளகாய் வற்றல் - 10
மஞ்சள் தூள் - 5 கிராம்
மல்லிக்அரைரை - சிறிது
எண்ணெய் - சிறிது

செய்முறை :

காரட்டை கழுவி மேல் தோலை சீவி நீக்கிவிட்டு அம்மியில் வைத்து அரைக்கவும். வாணலியை அடுப்பில் வைத்து சிறிது எண்ணெய்விட்டு அதில் அரைத்த காரட்டைப் போட்டுக் கிளறவும். மிளகை தூள் செய்து சேர்க்கவும். கிராம்பு, மிளகாய் வற்றல், மஞ்சள் தூள் ஆகியவற்றையும் பிறகு சேர்த்துக் கிளறவும். மிளகாய் வற்றலை துண்டுகளாக நறுக்கி சேர்க்கவும். அரிசியை தண்ணீர்விட்டு களைந்து சேர்க்கவும். எவ்வளவு அரிசியோ அதைப்போல் இரண்டு பங்கு தண்ணீர் சேர்த்துக் கிளறி வேகவிடவும். வெந்ததும் மல்லிக்அரைரையை துண்டு செய்து சேர்த்து கிளறி அடுப்பைவிட்டு இறக்கவும்.

சாதம் வகைகள்

வெஜிடபிள் பிரியாணி

தேவையான பொருட்கள் :

அரிசி - 4 கப்
வெங்காயம் - 10
உருளைக்கிழங்கு - 8
காரட் - 12
பச்சைப் பட்டாணி - 2 கப்
காலிஃபிளவர் - ஒன்று (சிறியது)
நெய் - 2 கப்
எலுமிச்சம் பழம் - 2
ஜாதிபத்திரி - 6 இலைகள்
இஞ்சி - 2 அங்குலம்
தேங்காய்த் துருவல் - அரை தேங்காய்
பச்சை மிளகாய் - 4
பூண்டு பற்கள் - 12
கறிமசால் பட்டை - 4 அங்குலம்
கிராம்பு - 8
ஏலக்காய் - 8
கசகசா - 2 தேக்கரண்டி
உப்பு - தேவையானது

செய்முறை :

அரிசியை கழுவி சுத்தம் செய்து வாணலி ஒன்றை அடுப்பில் வைத்து நெய்விட்டு சூடேறியதும் அதில் அரிசியைப் போட்டு பொரிக்கவும். பொரிந்ததும் எட்டு கப் தண்ணீர் சேர்த்து வேகவிட்டு தண்ணீரை வடித்துவிட்டு சாதத்தை மட்டும் எடுத்துக் கொள்ளவும். உப்பு கலந்த நீரில், உருளைக் கிழங்கு, பட்டாணி, காரட், காலிஃபிளவர் ஆகியவற்றை வேகவைத்து தனியே எடுத்து வைத்துக் கொள்ளவும்.
வெங்காயத்தை சிறு சிறு துண்டுகளாக நறுக்கி வாணலியில் சிறிது நெய் விட்டு அடுப்பிலேற்றி அதில் வெங்காயத் துண்டு களையும், ஜாதிபத்திரியையும் சேர்த்து வதக்கி எடுத்துக் கொள்ளவும். இதோடு இஞ்சி, தேங்காய்த் துருவல், பச்சை மிளகாய், பூண்டு, கறிமசால் பட்டை, கிராம்பு, ஏலக்காய், கசகசா சிறிது, உப்பு ஆகியவற்றைச் சேர்க்க வும். பிறகு வேக வைத்துள்ள காய்கறிகள் வெந்த நீர் எல்லாம் சேர்த்து கிளறவும். நீர் அம்சம் எல்லாம் சுண்டியதும் அடுப்பை விட்டு இறக்கவும். ஒரு பாத்திரத்தில் நெய்யைவிட்டு அதில் வெந்த சாதம், வெஜிடபிள் மசாலாக்கள் எல்லாம் ஒன்று கலந்து நன்கு கிளறி எடுத்துக் கொள்ளவும்.


வெஜிடபிள் புலாவ்

தேவையான பொருட்கள் :

அரிசி - 2 கப்
பெரிய வெங்காயம் - 2
மசால் பட்டை - சிறு துண்டு
கிராம்பு - 6
மிளகு - 8
காரட் - 100 கிராம்
பீன்ஸ் - 50 கிராம்
உப்பு - போதுமானது
முந்திரிப் பருப்பு - 6
கிஸ்மிஸ் - சிறிது
நெய் - சிறிது

செய்முறை :

வாணலியில் சிறிது நெய்விட்டு அடுப்பி லேற்றி அதில் மிளகு, மசால்பட்டை, துண்டு துண்டாக நறுக்கிய வெங்காயம் ஆகிய வற்றைச் சேர்த்து சிவப்பு நிறமாக மாறும்வரை கிளறிக்கொண்டே இருக்கவும். ஏற்கனவே தண்ணீரில் ஊறவைத்து தண்ணீரை வடித்து வைத்துள்ள அரிசியை அப்போது அதோடு சேர்த்துக் கிளறி ஐந்து நிமிடம் வேகவிடவும். அதன் பிறகு காரட் மற்றும் பீன்சை துண்டுகளாக நறுக்கிச் சேர்க்கவும். கொதிக்கும் நீர் ஐந்து கப் சேர்த்து நன்கு கிளறவும். அரிசி நன்கு வெந்ததும் வறுத்த முந்திரிப் பருப்பை சேர்த்து உப்பையும் போட்டு கிளறவும். கடைசியாக கிஸ்மிஸ் சேர்த்துக் கிளறிக் கொள்ளவும்.

தக்காளி சாதம்

தேவையான பொருட்கள் :

அரிசி - 5 கப்
தக்காளிச் சாறு - 2 கப்
குடை மிளகாய் - 20
நெய் - 9 மேஜைக்கரண்டி
பெரிய வெங்காயம் - 4
கறிமசால் பட்டை - 8 துண்டு
ஏலக்காய் - 8
கிராம்பு - 8
மிளகு - 12
பெருங்காயத்தூள் - ஒரு தேக்கரண்டி
சீரகம் - 2 தேக்கரண்டி
மஞ்சள் பவுடர் - ஒரு தேக்கரண்டி
இஞ்சி - 2 அங்குலம்
மல்லி பவுடர் - 2 தேக்கரண்டி
முந்திரிப் பருப்பு - அரை கப்
மல்லிக்அரைரை - ஒரு சிறு கட்டு
உப்பு - 4 தேக்கரண்டி

செய்முறை :

அரிசியை சுத்தம் செய்து தண்ணீர் விட்டு அலம்பி நீரில் ஊறப்போடவும். வெங்கா யத்தை துண்டுகளாக நறுக்கி நெய்யில் பாதியை வாணலியில் விட்டு அடுப்பிலேற்றி அதில் வெங்காயத்தைக் கொட்டி வதக்கவும். அது நன்கு வதங்கியான தும் துண்டுகளாக்கிய கறிமசால்பட்டை, பொடி செய்த ஏல அரிசி, கிராம்பு, மிளகு, சீரகம் ஆகியவற்றையும் சேர்த்து நன்கு கிளறவும். ஊறிய அரிசியில் உள்ள நீரை வடித்துவிட்டு இந்தக் கலவையில் அரிசியையும் சேர்த்து சுமார் ஐந்து நிமிடம் கிளறவும். பிறகு மல்லி பவுடர், உப்பு மற்றும் மஞ்சள் பவுடர் ஆகியவற்றைச் சேர்த்து மேலும் ஐந்து நிமிடம் கிளறவும். பிறகு அதில் எட்டு கப் தண்ணீர் சேர்த்து மேலும் பதினைந்து நிமிடம் வேகவிடவும். துண்டுகளாக நறுக்கிய இஞ்சி, முந்திரிப் பருப்பு, மல்லிக்அரைரை ஆகியவற்றை சிறிது நெய் விட்டு வதக்கி அதோடு தக்காளிச் சாற்றையும், சிறிது உப்பையும் சேர்த்து சிறிது நேரம் கிளறவும். பச்சை மிளகாயை இரண்டாக பிளந்து உள்ளே உள்ள விதைகளை நன்கு வதக்கவும். பிறகு அதில் தக்காளிச் சாற்று கலவையைச் சேர்த்துக் கிளறவும். எல்லாம் ஒன்று கலந்து சரியான பதம் வரும்வரை தொடர்ந்து கிளறி அடுப்பை விட்டு இறக்கிக் கொள்ளவும்.


காலிஃபிளவர் சாதம்

தேவையான பொருட்கள் :

சிறு காலிஃபிளவர் - 2
அரிசி - 2 கப்
பெரிய வெங்காயம் - 4
நெய் - 4 மேஜைக்கரண்டி
எலுமிச்சம் பழம் - அரை பழம்
உப்பு - போதுமானது
தேங்காய்த் துருவல் - அரை தேங்காய்
பச்சை மிளகாய் - 12
பூண்டு பற்கள் - 2
கிராம்பு - 8
ஏலக்காய் - 8
கறிமசால் பட்டை - ஓர் அங்குலம்

செய்முறை :

காலிஃபிளவரை துண்டுகளாக்கி தண்ணீர் சேர்த்து வேகவைத்து தண்ணீரை வடித்து விடவும். அரிசியை தண்ணீர் சேர்த்து அடுப்பிலேற்றி வேகவிட்டு பாதி வெந்தான தும் அடுப்பைவிட்டு இறக்கிவிடவும். வெங்காயத்தை துண்டுகளாக நறுக்கி நெய்யில் வதக்கிக் கொள்ளவும். தேங்காய்த் துருவல், பச்சை மிளகாய், பூண்டு, கிராம்பு, ஏலக்காய், பட்டை ஆகிய எல்லாவற்றையும் அரைத்துக் கொள்ளவும். வெங்காயம், மசாலாக்கள் எல்லாம் பாதி வெந்த நிலையில் உள்ள சாதத்துடன் சேர்த்து அடுப்பிலேற்றி கிளறி நன்கு வெந்தானதும் அடுப்பைவிட்டு இறக்கிக் கொள்ளவும்.


எலுமிச்சை சாதம்

தேவையான பொருட்கள் :

அரிசி - 4 கப்
எலுமிச்சம் பழம் - 8 (பெரியது)
முந்திரிப் பருப்பு - 2 கப்
தேங்காய்த் துருவல் - ஒரு தேங்காய்
மஞ்சள் பவுடர் - 2 தேக்கரண்டி
நெய் - 1அரை கப்
கடுகு - ஒரு தேக்கரண்டி
கறிவேப்பிலை - சிறிது
பச்சை மிளகாய் - 20
மல்லிக்அரைரை - சிறிது

செய்முறை :

அரிசியை சுத்தம் செய்து தண்ணீர் சேர்த்து அடுப்பிலேற்றி பாதி வெந்தானதும் அடுப்பைவிட்டு இறக்கி தண்ணீரை வடித்து விடவும். அதோடு எலுமிச்சம் பழத்தைப் பிழிந்து சாறு எடுத்து சேர்க்கவும். பிறகு மஞ்சள் பவுடர், தேங்காய்த் துருவல் ஆகியவற்றையும் சேர்த்து நன்கு கிளறவும். பிறகு போதுமான உப்பு சேர்க்கவும். அடுப்பில் வாணலியை வைத்து நெய் ஊற்றி கடுகைப் போட்டு அது பொரிந்ததும் முந்திரிப் பருப்பு, கறிவேப்பிலை, பச்சை மிளகாய் மற்றும் மிளகாய் வற்றல் துண்டுகள் சேர்த்துக் கிளறவும். பிறகு அதில் பாதி வெந்த நிலையில் உள்ள அரிசியையும் கொட்டிக் கிளறவும். துண்டு செய்த மல்லிக்அரைரையையும் சேர்த்து ஒரு தட்டால் மூடி பதினைந்து நிமிடம் வேகவிட்டு வெந்ததும் அடுப்பை விட்டு இறக்கிக் கொள்ளவும்.


தேங்காய் சாதம்

தேவையான பொருட்கள் :

பச்சை அரிசி - 2 கப்
தண்ணீர் - 5 கப்
தேங்காய்த் துருவல் - ஒரு கப்
மிளகாய் வற்றல் - 8
கடுகு - ஒரு தேக்கரண்டி
உளுந்து பருப்பு - 4 தேக்கரண்டி
முந்திரி பருப்பு - 20
நெய் - 2 மேஜைக்கரண்டி
உப்பு - 3 தேக்கரண்டி

செய்முறை :

சாதத்தை முதலில் தயாரித்து ஒரு தட்டில் கொட்டி ஆறவைக்கவும். தேங்காய்த் துருவலை வாணலியில் போட்டு எண்ணெய் சேர்க்காது இளம் சிவப்பாக வறுத்துக் கொள்ளவும். வாணலியில் எண்ணெய் விட்டு கடுகு, உளுந்து பருப்பு, முந்திரிப் பருப்பு, துண்டுகளாக கிள்ளிய மிளகாய் வற்றல் ஆகியவற்றைப் போட்டுக் கிளறவும். பிறகு ஏற்கனவே வறுத்தவற்றை சாதத்துடன் சேர்த்துக் கிளறவும். பிறகு உப்பை பொடித்து தூவி கிளறவும். வறுத்த தேங்காய் துருவலை கடைசியாக சேர்த்து கிளறவும். விருப்ப மானால் கறிவேப்பிலை, மல்லிக்அரைரை துண்டுகள், நிலக்கடலைப் பருப்பும் சேர்க்க லாம்.


புளியோதரை

தேவையான பொருட்கள் :

பச்சை அரிசி - 2 கப்
தண்ணீர் - 5 கப்
புளி - எலுமிச்சம் பழம் அளவு
மிளகாய் வற்றல் - 15
மல்லி பவுடர் - 4 தேக்கரண்டி
கடலைப்பருப்பு - 8 தேக்கரண்டி
உளுந்து பருப்பு - 8 தேக்கரண்டி
வெந்தயம் - அரை தேக்கரண்டி
காயம் - அரை தேக்கரண்டி
கடுகு - ஒரு தேக்கரண்டி
எண்ணெய் - 2 மேஜைக்கரண்டி
உப்பு - போதுமானது
மஞ்சள்பொடி - சிறிது

செய்முறை :

புளியை ஒரு மணி நேரம் ஊறவைத்து கரைக்கவும். மிளகாய் வற்றல், காயம், கடலைப் பருப்பில் பாதி, உளுந்து பருப்பில் பாதி மற்றும் மல்லி, வெந்தயம் ஆகியவற்றை வறுத்து உரலில் எல்லாவற்றையும் போட்டு இடிக்கவும். சாதத்தை தட்டில் கொட்டிக் கொள்ளவும். வாணலியில் எண்ணெய்விட்டு அடுப்பிலேற்றி கடுகு, உளுந்து பருப்பு, கடலைப் பருப்பு ஆகியவற்றை தாளிதம் செய்து அதில் கரைத்த புளியை கொட்டிக் கிளறி கெட்டிப்பட்டதும் அடுப்பைவிட்டு இறக்கி சாதத்தில் சேர்த்து பிசைந்துகொள்ள வும். பிரியமுள்ளவர்கள் இதோடு பொரித்த வெள்ளை எள், கொத்துமல்லிக்அரைரை, கறிவேப்பிலை, நிலக்கடலைப் பருப்பு போன்றவற்றையும் சேர்த்துக் கொள்ளலாம்.

போளி வகைகள்,

பால் போளி

தேவையான பொருட்கள் :

மைதா - ஒரு கப்
தேங்காய்த் துருவல் - ஒரு கப்
வெல்லத்தூள் - 1அரை கப்
ஏலக்காய் - 10
கசகசா - ஒரு மேஜைக்கரண்டி
எண்ணெய் - போதுமானது

செய்முறை :

மைதாவை தண்ணீர் சேர்த்து பிசைந்து மெல்லிய பூரிகளாகத் தேய்த்துக் கொள்ளவும். வாணலியை அடுப்பில் வைத்து எண்ணெய் விட்டு இந்த பூரிகளை பொரித்து எடுக்கவும். தேங்காய் துருவலுடன் கசகசாவைச் சேர்த்து அம்மியில் அரைத்துக் கொள்ளவும். இதோடு சிறிது தண்ணீர் சேர்த்து அடுப்பிலேற்றி வெல்லத்தூளை சேர்த்து கொதிக்க வைக்க வும். வெல்லம் கரைந்ததும் ஏல அரிசியை தூள் செய்து அதோடு கலக்கவும். இந்த வெல்லப்பாகு சூடாக இருக்கும்போதே அதில் பொரித்து வைத்துள்ள பூரிகளை நனைத்து நனைத்து எடுக்கவும். இவற்றை ஒரு தட்டில் ஒன்றன் மேல் ஒன்றாக அடுக்கி அவற்றின் மேல் எஞ்சிய வெல்லப்பாகை ஊற்றி அரை மணி நேரம் கழித்து உபயோகிக்கவும்.

கடலைப்பருப்பு போளி

தேவையான பொருட்கள் :

கடலைப்பருப்பு - ஒரு கப்
மைதா - 1அரை கப்
சர்க்கரை - 1அரை கப்
ஏலக்காய் - 10
எண்ணெய் - போதுமானது
உப்பு - போதுமானது

செய்முறை :

மைதாவுடன் உப்பும், தண்ணீரும் சேர்த்து கெட்டியாகப் பிசைந்து மூன்று மணி நேரம் அப்படியே வைத்துவிடவும். கடலைப் பருப்போடு சிறிது தண்ணீர் சேர்த்து அடுப்பிலேற்றி வேகவிடவும். முக்கால் வேக்காடு ஆனதும் தண்ணீரை வடித்து விடவும். தண்ணீரை வடித்தான பிறகு சர்க்கரையை அந்தப் பருப்புடன் சேர்த்துக் கிளறவும். பிறகு சூடான நிலையிலேயே உரலில் பருப்பைப் போட்டு இடித்துக் கொள்ள வேண்டும். இப்படி இடிக்கும்போது ஏல அரிசியையும் சேர்த்து இடிக்க வேண்டும். மைதாவைப் பூரிபோல் மெல்லியதாக தேய்த்து அதில் இடித்த கடலைப் பருப்பை தூவி மேலே மற்றொரு பூரியால் மூடி ஓரங்களை அழுத்தி வாணலியை அடுப்பில் வைத்து எண்ணெய் ஊற்றி பொரித்துக் கொள்ளவும்.

அதிரசம், மைசூர் பாக்,கேக்

ரவை அதிரசம்













தேவையான பொருட்கள் :

ரவை - ஒரு கப்
மைதா - அரை கப்
சர்க்கரை - ண் கப்
வாழைப்பழம் - ஒன்று
எண்ணெய் - போதுமானது

செய்முறை :

ரவை, மைதா இரண்டையும் ஒன்று சேர்த்து பிசையவும். பிறகு வாழைப்பழம், சர்க்கரையுடன் போதுமான தண்ணீர் சேர்த்து கெட்டியாக பிசையவும். பின்பு தண்ணீர் சேர்த்து தோசை மாவு போல் ஆக்கிக் கொள்ளவும். கரைத்த மாவை அப்படியே அரை மணி நேரம் வைத்துவிடவும். வாணலி யில் எண்ணெய் விட்டு அடுப்பிலேற்றி எண்ணெய் காய்ந்ததும் ஒரு கரண்டியால் மாவை எடுத்து எடுத்து எண்ணெயில் ஊற்றவும். புரட்டி புரட்டி வேகவிட்டு வெந்தானதும் எடுத்துக் கொள்ளவும்.


தேங்காய் அதிரசம்

தேவையான பொருட்கள் :

தேங்காய்த் துருவல் - ஒரு கப்
வெல்லத்தூள் - 2 கப்
பச்சரிசி மாவு - 3 கப்
எண்ணெய் - போதுமானது
உப்பு - போதுமானது

செய்முறை :

வெல்லத்தூளுடன் ஒரு கப் தண்ணீர் சேர்த்து அடுப்பிலேற்றி பாகு காய்ச்சி பாகை அடுப்பில் வைத்தபடியே சுத்தம் செய்யவும். பிறகு தேங்காய் துருவலை பாகில் கொட்டிக் கிளறவும். பிறகு பச்சரிசி மாவையும் சிறிது சிறிதாகச் சேர்த்து கட்டிப்படாது கிளறவும். உப்பும் சேர்த்துக் கொள்ளவும். பிறகு அடுப்பைவிட்டு இறக்கி ஆறியதும் இதை உருண்டைகளாக உருட்டவும். வாணலியை அடுப்பில் வைத்து எண்ணெய் ஊற்றி அது கொதித்ததும் உருண்டைகளை அதிரசம்போல் கையால் தட்டி எண்ணெயில் போட்டு வேகவைத்து எடுக்கவும்.


மைசூர் பாக்

தேவையான பொருட்கள் :

கடலை மாவு - ஒரு கப்
நெய் - 2 கப்
சர்க்கரை - 2 கப்

செய்முறை :

இரண்டு கப் சர்க்கரையில் ஒரு கப் தண்ணீர் சேர்த்து அடுப்பிலேற்றி பாகு காய்ச்சவும். சர்க்கரை பாகு தயாரானதும் அடுப்பைவிட்டு இறக்காமலேயே கடலை மாவை சிறிது சிறிதாகத் தூவி சர்க்கரைப் பாகுடன் நன்கு கலக்கும் விதத்தில் கிளற வேண்டும். கட்டிபடாது கவனித்துக்கொள்ள வேண்டும். நெய்யை முன்கூட்டியே கொதிக்கவைத்து தயாராக வைத்திருந்து அதையும் சிறிது சிறிதாக பாலோடு சேர்த்து கடலை மாவுடன் கிளற வேண்டும். எல்லாம் ஒன்று கலந்து பாத்திரத்தின் ஓரத்தில் ஒட்டாத நிலை வந்ததும் ஒரு தட்டில் நெய் பூசி அதில் கொட்டி ஒரே மட்டமாகப் பரப்பித் துண்டுகளாக வெட்டிக் கொள்ளவும்.


முந்திரிப் பருப்பு பாக்




















தேவையான பொருட்கள் :

முந்திரிப் பருப்பு - ஒரு கப்
நெய் - 1அரை கப்
சர்க்கரை - 2 கப்

செய்முறை :

முந்திரிப் பருப்பை உரலில் அல்லது மிக்சியில் போட்டு இடித்து பவுடராக்கிக் கொள்ள வேண்டும். இரண்டு கப் சர்க்கரையில் ஒரு கப் தண்ணீர் சேர்த்து அடுப்பிலேற்றிப் பாகு காய்ச்ச வேண்டும். முந்திரிப் பருப்பு பவுடருடன் போதுமான தண்ணீர் சேர்த்து தோசை மாவுபோல் கரைத்துக்கொள்ள வேண்டும். பாகு அடுப்பில் இருக்கும்போதே அதோடு இந்த முந்திரிப் பருப்புக் கரைசலை சிறிது சிறிதாகச் சேர்த்து கட்டிபடாது கிளறிக்கொண்டே இருக்க வேண்டும். பாதி வெந்ததும் நெய்யையும் சிறிது சிறிதாகச் சேர்த்துக் கிளற வேண்டும். பாத்திரத்தில் ஒட்டாத நிலை வந்ததும் தட்டில் நெய் பூசி அதில் கொட்டி சமமாக பரப்பி துண்டுகளாக வெட்டவும்.



ரவா கேக்

தேவையான பொருட்கள் :

வறுத்த ரவை - 3 கப்
சர்க்கரை - 1அரை கப்
பால் - ஒரு கப்
தயிர் - அரை கப்
நெய் - 2 தேக்கரண்டி
சமையல் சோடா - அரை தேக்கரண்டி
பைனாப்பிள் எசன்ஸ் - சில துளிகள்
முந்திரிப் பருப்பு - 10
உப்பு - போதுமானது

செய்முறை :

பாலில் சர்க்கரை மற்றும் நெய் கலக்கவும். பிறகு இதோடு வறுத்த ரவை சேர்க்கவும். பிறகு உப்பு, தயிர், எசன்ஸ், ஐந்து முந்திரிப்பருப்பு கலந்து நன்கு அடித்து அடித்து பிசையவும். பிறகு சமையல் சோடாவுடன் சிறிது தண்ணீர் சேர்த்து கரைத்து ஊற்றி மீண்டும் நன்கு அடிக்கவும். நெய் பூசிய தட்டில் இந்த கலவையை துண்டு துண்டாக ஊற்றி ஒவ்வொரு துண்டின் மேலும் முந்திரிப் பருப்பு துண்டு ஒன்றை வைத்து பிரஷர் குக்கரில் இருபது நிமிடம் ஆவியில் வேகவைத்து எடுத்துக் கொள்ளவும். இந்த ரவா கேக் உடலுக்கு நல்லது.


பால் கேக்

தேவையான பொருட்கள் :

கன்டென்ஸ்டு மில்க் - ஒரு டின்
மைதா - 200 கிராம்
வெண்ணெய் - ஒரு கப்
பேக்கிங் பவுடர் - அரை தேக்கரண்டி
தண்ணீர் - போதுமானது

செய்முறை :

மைதாவுடன் பேக்கிங் பவுடரைக் கலக்கவும். பிறகு அதை சல்லடையில் நன்கு சலித்துக் கொள்ளவும். கன்டென்ஸ்டு மில்க்கில் ஒரு கப் தண்ணீர் சேர்த்து அதை நன்கு கலக்கிக் கொள்ளவும். பிறகு அதை சிறிது சிறிதாக மைதாவில் சேர்த்துப் பிசையவும். நன்கு பிசைய அது போதுமான தாக இல்லாது போனால் போதிய தண்ணீர் தெளித்து பிசையவும். பிறகு வெண்ணெயை உருக்கி அதோடு சேர்த்துப் பிசையவும். அந்தக் கலவையை நன்கு அடித்து கேக் டின்னில் பட்டர் பேப்பர் வைத்து கலவையை உருட்டி வைத்து வேகவிட்டு எடுக்கவும்.