பட்டாணி மசால்

பட்டாணி மசால்




















தேவையான பொருட்கள் :
உலர்ந்த பட்டாணி - 2 கப்
உருளைக்கிழங்கு - 2 (பெரியது)
பெரிய வெங்காயம் - 1
தயிர் - ஒரு கப்
தக்காளி (பெரியது) - ஒன்று
நெய் - போதுமானது
மிளகாய் வற்றல் - 6
மிளகாய் பவுடர் - அரை தேக்கரண்டி
இஞ்சி - சிறு துண்டு
பூண்டு பற்கள் - 3
மஞ்சள் பவுடர் - அரை தேக்கரண்டி
மல்லிப்பொடி - அரை தேக்கரண்டி
உப்பு - போதுமானது
செய்முறை :
பட்டாணியை ஓர் இரவு ஊறவைத்து மறுநாள் தண்ணீர் சேர்த்து அடுப்பிலேற்றி வேகவைக்கவும். உருளைக் கிழங்கை துண்டுகளாக நறுக்கி நெய்யில் வதக்கி எடுத்துக் கொள்ளவும். தக்காளி, இஞ்சி, பெரிய வெங்காயம் ஆகியவற்றை துண்டு களாக நறுக்கி நெய்விட்டு வதக்கி அதோடு தயிர், உப்பு மற்றும் மற்ற பொருட்களை சேர்த்து கிளறவும். பிறகு உருளைக்கிழங்கு மற்றும் வேகவைத்த பட்டாணியையும் சேர்த்து கிளறிக் கொள்ள வேண்டும்.

காரட் மசால்

காரட் மசால்














தேவையான பொருட்கள் :
காரட் - 8
தக்காளி - 16
பச்சை மிளகாய் - ஆறு
இஞ்சி - ஓர் அங்குலம்
துண்டு செய்த
     மல்லிக்அரைரை - 4 தேக்கரண்டி
தேங்காய்த் துருவல் - ஒரு கப்
சீரகம் - ஒரு தேக்கரண்டி
கடுகு - அரை தேக்கரண்டி
கறிவேப்பிலை - சிறிது
எண்ணெய் - 2 தேக்கரண்டி
உப்பு - தேவையானது
செய்முறை :
காரட், தக்காளி ஆகியவற்றை சிறு துண்டுகளாக நறுக்கவும். பச்சை மிளகாய் மற்றும் இஞ்சியையும் துண்டுகளாக நறுக்கவும். அடுப்பில் வாணலியை வைத்து அதில் ஒரு கப் தண்ணீர் விட்டு காரட் துண்டுகளை அதில் போட்டு வேகவிடவும். வெந்ததும் அடுப்பை விட்டு இறக்கிக் கொள்ளவும். தேங்காய் துருவலுடன் சீரகத்தையும் சேர்த்து அம்மியில் வைத்து அரைக்கவும். அதை வெந்த காரட்டுடன் சேர்த்துக் கிளறவும். ஒரு பாத்திரத்தை அடுப்பில் வைத்து எண்ணெய் விட்டு அடுப்பிலேற்றி கடுகு போட்டு அது பொரிந்தானதும் கறிவேப்பிலை சேர்க்கவும். பிறகு காரட் கலவையையும், உப்பையும் சேர்த்துக் கிளறி அடுப்பைவிட்டு இறக்கிக் கொள்ளவும்.

உருளைக்கிழங்கு மசால்

மசாலா வகைகள்















உருளைக்கிழங்கு மசால்
தேவையான பொருட்கள் :
கடலை மாவு - 4 மேஜைக்கரண்டி
குடைமிளகாய் - 8
உருளைக்கிழங்கு - 4
கடுகு - ஒரு தேக்கரண்டி
காயம் - சிறிது
மஞ்சள் பவுடர் - அரை தேக்கரண்டி
தேங்காய் துருவல் - அரை மூடி
எண்ணெய் - 3 மேஜைக்கரண்டி
உப்பு - போதுமானது
செய்முறை :
மிளகாயை துண்டு துண்டாக நறுக்கவும். உருளைக்கிழங்கை வேகவைத்து தோலை உரித்துவிட்டு அரை அங்குல கனமுள்ள துண்டுகளாக நறுக்கவும். வாணலியை அடுப்பில் வைத்து எண்ணெய் விட்டு அதில் கடுகை போடவும். அது பொரிந்தானதும் காயத்தை சேர்க்கவும். பிறகு பச்சை மிளகாய் துண்டுகள், மஞ்சள் பவுடர் ஆகியவற்றைச் சேர்த்துக் கிளறவும். பிறகு கடலை மாவையும் சேர்த்துக் கிளறவும். கடைசியில் தேங்காய் துருவல் மற்றும் போதுமான உப்பு சேர்த்துக் கிளறி அடுப்பைவிட்டு இறக்கிக் கொள்ளவும்.

பூரி

பூரி




















தேவையான பொருட்கள் :
கோதுமை மாவு - அரை லிட்டர்
பம்பாய் ரவை - அரை லிட்டர்
மைதா மாவு - அரை லிட்டர்
உப்பு - சிறிதளவு
எண்ணெய் - போதுமானது
செய்முறை :
கோதுமை மாவு, ரவை, மைதா மூன்றையும் கலந்து உப்பு சேர்த்து போதுமான தண்ணீர் விட்டு நன்கு பிசைந்து ஒரு மணி நேரம் அப்படியே விட்டு வைக்கவும். பிறகு உருட்டி உருட்டி பூரிக்கட்டையில் வைத்து தேய்த்து வாணலியை அடுப்பில் வைத்து எண்ணெய் விட்டு அதில் தேய்த்த பூரியை போட்டு வெந்ததும் எடுத்துக் கொள்ளவும்.

சப்பாத்தி

சப்பாத்தி வகைகள்


















தேவையான பொருட்கள் :
கோதுமை மாவு - ஒரு லிட்டர்
உப்பு - போதுமானது
தண்ணீர் - போதுமானது
செய்முறை :
தண்ணீரில் உப்பு போட்டு கொதிக்க வைத்து அதில் சிறிது சிறிதாக கோதுமை மாவை கொட்டி கிளறவும். பிறகு அடுப்பை விட்டு இறக்கி ஒரு தட்டில் அதைக் கொட்டி கையை தண்ணீரில் நனைத்து பிசைந்து சப்பாத்தியாகத் தட்டி சப்பாத்திக் கல்லில் எண்ணெய் விட்டு அதில் போட்டு வேகவிட்டு எடுத்துக்கொள்ளவும்.

தேங்காய் அடை

தேங்காய் அடை














தேவையான பொருட்கள் :
புழுங்கல் அரிசி - ஒரு லிட்டர்
தேங்காய் - ஒன்று
புளி - எலுமிச்சம்பழம் அளவு
மிளகாய் வற்றல் - 10
சீரகம் - ஒரு தேக்கரண்டி
உப்பு - 2 தேக்கரண்டி
காயம் - சிறிது
கறிவேப்பிலை - சிறிது
செய்முறை :
தேங்காய் துருவல், புளி, உப்பு, சீரகம், மிளகாய், கறிவேப்பிலை, காயம் எல்லாம் எடுத்து அம்மியில் வைத்து நன்கு அரைக்கவும். தண்ணீரை கொதிக்க வைத்து அதில் அரிசியை கொட்டி மூடி வைக்கவும். இரண்டு மணி நேரத்துக்குப் பிறகு தண்ணீரை வடித்துவிட்டு அரிசியை உரலில் இட்டு ஆட்டவும். பிறகு அதோடு ஏற்கனவே அரைத்து வைத்துள்ள பொருட்களைச் சேர்த்து நன்கு பிசைந்து ஒன்று சேரும்படி செய்யவும். பிறகு ஒரு துண்டு வாழை இலையில் எண்ணெய் தடவி அதில் இந்த கலவையை உருண்டை உருண்டையாக உருட்டி வைத்து கையால் அகலமாகவும், வட்டமாகவும் பரவும்படி தட்டவும். தோசைக்கல்லை அடுப்பில் வைத்து எண்ணெய் விட்டு அதில் தட்டிய அடையை போட்டு வேகவிட்டு புரட்டி மறுபக்கமும் வேகவிட்டு எடுக்கவும்.

புழுங்கல் அரிசி அடை

புழுங்கல் அரிசி அடை
















தேவையான பொருட்கள் :
புழுங்கல் அரிசி - அரை லிட்டர்
பச்சை அரிசி - அரை லிட்டர்
துவரம் பருப்பு - அரை லிட்டர்
கடலை பருப்பு - 100 மி.லி.
உளுந்து பருப்பு - 50 மி.லி.
காயம் - சிறிது
உப்பு - போதுமானது
மிளகாய் வற்றல் - 8
செய்முறை :
இரண்டு வகை அரிசி, மூன்று வகை பருப்பு ஆகியவற்றை ஒன்றாகக் கலந்து தண்ணீரில் கொட்டி இரண்டு மணி நேரம் ஊறவிடவும். பிறகு தண்ணீரை வடித்துவிட்டு உரலில் இட்டு ஆட்டவும். இப்படி ஆட்டும் போது ஒன்றன்பின் ஒன்றாக மற்றவற்றையும் சேர்த்து ஆட்டி அடைகளாகத் தட்டி வேகவிட்டு எடுத்துக் கொள்ளவும்.

பச்சை அரிசி அடை

அடை வகைகள்





















பச்சை அரிசி அடை
தேவையான பொருட்கள் :
பச்சை அரிசி - அரை லிட்டர்
கடலை பருப்பு - அரை லிட்டர்
துவரம் பருப்பு - 200 மி.லி.
பாசிப் பருப்பு - 100 மி.லி.
சீரகம் - ஒரு தேக்கரண்டி
தேங்காய் துருவல் - ஒரு மூடி
காயம் - சிறிது
மிளகாய் வற்றல் - 6
பச்சை மிளகாய் - 6
உப்பு - போதுமானது
செய்முறை :
அரிசியோடு மூன்று பருப்பு வகைகளை யும் ஒன்றாகக் கலந்து தண்ணீரில் கொட்டி மூன்று மணி நேரம் ஊறவைக்கவும். பிறகு உரலில் அவற்றை இட்டு ஆட்டவும். இப்படி ஆட்டும்போது ஒன்றன்பின் ஒன்றாக தேங்காய் துருவல், சீரகம், காயம், மிளகாய் வற்றல், பச்சை மிளகாய் ஆகியவற்றைச் சேர்க்கவும். கடைசியில் உப்பு சேர்த்து அடைக்கல்லில் எண்ணெய் விட்டு அடையாகத் தட்டி இருபுறமும் புரட்டி வேகவிட்டு எடுக்கவும்.

அவல் உப்புமா - 2

அவல் உப்புமா - 2


















தேவையான பொருட்கள் :
கெட்டி அவல் - ஒரு லிட்டர்
எலுமிச்சம் பழம் - ஒன்று
எண்ணெய் - 3 மேஜைக்கரண்டி
தேங்காய் - ஒன்று
பச்சை மிளகாய் - 10
உப்பு - ஒரு மேஜைக்கரண்டி
உளுந்து பருப்பு - ஒரு மேஜைக்கரண்டி
கடலை பருப்பு - ஒரு மேஜைக்கரண்டி
கடுகு - 2 தேக்கரண்டி
செய்முறை :
அவலைச் சுத்தம் செய்து தண்ணீர் ஊற்றி இரண்டு மணி நேரம் ஊறவிடவும். வாணலியை அடுப்பில் வைத்து எண்ணெய் ஊற்றி அதில் கடுகு, கடலைப் பருப்பு, உளுந்து பருப்பு ஆகியவற்றை போட்டுக் கிளறவும். பிறகு ஊறவைத்த அவலை தண்ணீர் வடித்துவிட்டு வாணலியில் சேர்த்துக் கிளறவும். வெந்தானதும் அடுப்பைவிட்டு இறக்கி எலுமிச்சம் பழத்தைப் பிழிந்து விதைகளை நீக்கிவிட்டு அதை உப்புமாவில் சேர்த்து நன்கு கிளறவும். இதன்பின் தேங்காயை துருவி அந்த துருவலையும் சேர்த்து நன்கு கிளறவும். விருப்பம் உள்ளவர்கள் முந்திரி பருப்பையும் நெய்யில் வறுத்து சேர்த்துக் கிளறிக் கொள்ளலாம்.

அரிசி உப்புமா

தேவையான பொருட்கள் :
அரிசிக் குருணை - அரை லிட்டர்
பெரிய வெங்காயம் - ஒன்று
தேங்காய் துருவல் - அரை மூடி
எலுமிச்சம் பழம் - ஒன்று
எண்ணெய் - 2 டேபிள்ஸ்பூன்
உப்பு - 2 தேக்கரண்டி
உளுந்து பருப்பு - ஒரு தேக்கரண்டி
கடலை பருப்பு - ஒரு தேக்கரண்டி
கடுகு - ஒரு தேக்கரண்டி
பச்சை மிளகாய் - ஐந்து
இஞ்சி - ஓர் அங்குலம்
செய்முறை :
வாணலியில் சிறிது எண்ணெய் விட்டு அடுப்பிலேற்றி அதில் பச்சை அரிசிக் குருணையைப் போட்டு லேசாக வறுத்துக் கொள்ளவும். இதை ஒரு தட்டில் கொட்டி ஆறவிட்டு மறுபடி வாணலியை அடுப்பில் வைத்து சிறிது எண்ணெய் விட்டு அதில் துண்டுகளாக நறுக்கிய பெரிய வெங்காயம், தேங்காய் துருவல், பச்சை மிளகாய் துண்டு, இஞ்சித் துண்டு ஆகியவற்றைச் சேர்க்கும் முன் கடுகு, உளுந்து பருப்பு, கடலைப் பருப்பு ஆகிய மூன்றையும் தாளிதம் செய்யவும். தாளிதம் செய்தான பிறகு ஒரு பங்கு குருணைக்கு இரண்டு பங்கு தண்ணீர் வீதம் சேர்த்து கொதி வந்ததும் உப்பு சேர்க்கவும். பிறகு குருணையை கொட்டி கிளறி வெந்ததும் வாணலியின் வாயை ஒரு தட்டால் மூடி சிறிது நேரம் அடுப்பில் வைத்திருந்து இறக்கவும்.

அவல் உப்புமா

தேவையான பொருட்கள் :
கெட்டி அவல் - ஒரு லிட்டர்
எலுமிச்சம் பழம் - 2
ந. எண்ணெய் - 3 மேஜைக்கரண்டி
கடுகு - 2 தேக்கரண்டி
உளுந்து பருப்பு - ஒரு மேஜைக்கரண்டி
கடலை பருப்பு - ஒரு மேஜைக்கரண்டி
பச்சை மிளகாய் - 10
தேங்காய் துருவல் - ஒரு மூடி
உப்பு பவுடர் - ஒரு தேக்கரண்டி
செய்முறை :
அவலை சுத்தம் செய்து ஒரு பாத்திரத்தில் போட்டு அதற்கு மேல் தண்ணீர் நிற்கும் அளவு தண்ணீர் சேர்த்து இரண்டு மணி நேரம் ஊறவைக்கவும். பிறகு தண்ணீரை வடித்து விடவும். வாணலியை அடுப்பில் ஏற்றி துவரம் பருப்பு சேர்த்து பருப்புகள் சிவப்பாக மாறும்வரை புரட்டி, துண்டுகளாக வெட்டிய பச்சை மிளகாய் மற்றும் உப்பைச் சேர்க்கவும். பிறகு ஊறவைத்த அவலையும் போட்டு கிளறவும். நன்கு வெந்ததும் அடுப்பை விட்டு இறக்கி எலுமிச்சை பழத்தைப் பிழிந்துவிட்டு கிளறவும். பிறகு தேங்காய் துருவலை சேர்த்து கிளறிக் கொள்ளவும்.

மைதா தோசை

மைதா தோசை
தேவையான பொருட்கள் :
மைதா மாவு - அரை லிட்டர்
அரிசி மாவு - அரை லிட்டர்
புளித்த மோர் - போதுமானது
சிறிய வெங்காயம் - 15
பச்சை மிளகாய் - 15
உப்பு - போதுமானது
கடுகு - ஒரு தேக்கரண்டி
இஞ்சி - சிறிது
எண்ணெய் - போதுமானது
செய்முறை :
இரண்டு மாவையும் நன்றாகக் கலந்து உப்பு சேர்த்து மோர் விட்டு கரைத்து துண்டு செய்த வெங்காயம், பச்சை மிளகாய், இஞ்சி சேர்த்து அடுப்பில் தோசைக்கல்லை வைத்து தோசை வார்க்கலாம்.

வெந்தய தோசை

வெந்தய தோசை














தேவையான பொருட்கள் :
பச்சை அரிசி - அரை லிட்டர்
புழுங்கல் அரிசி - அரை லிட்டர்
வெந்தயம் - 2 தேக்கரண்டி
உளுந்து பருப்பு - 2 தேக்கரண்டி
மிளகாய் வற்றல் - 5
தயிர் - ஒரு தேக்கரண்டி
உப்பு - போதுமானது
செய்முறை :
அரிசிகள், வெந்தயம், உளுந்து பருப்பு எல்லாவற்றையும் ஒன்றாகக் கலந்து தண்ணீரில் கொட்டி நான்கு மணி நேரம் ஊறியதும் உரலில் இட்டு ஆட்டவும். ஆட்டும்போது மிளகாய் வற்றல், தயிர், உப்பு ஆகியவற்றை ஒன்றன்பின் ஒன்றாக சேர்த்து அரைக்கவும். ஓர் இரவு புளிக்க வைத்து மறுநாள் காலையில் தோசை வார்க்கவும்.

தேங்காய் தோசை

தேங்காய் தோசை
தேவையான பொருட்கள் :
பச்சை அரிசி - அரை லிட்டர்
தேங்காய் - ஒரு மூடி
உப்பு - ஒரு தேக்கரண்டி
செய்முறை :
பச்சை அரிசியை தண்ணீரில் கொட்டி இரண்டு மணி நேரம் ஊறவைத்து உரலில் போட்டு ஆட்டவும். தேங்காய் துருவலையும் அதோடு பிறகு சேர்க்கவும். கடைசியாக உப்பையும் சேர்த்து உடனடியாக தோசை வார்க்கலாம். மாவு புளிக்கத் தேவை இல்லை.

ராகி தோசை

தோசை

ராகி தோசை
தேவையான பொருட்கள் :
ராகி - அரை லிட்டர்
பச்சை அரிசி - அரை லிட்டர்
உளுந்து பருப்பு - 200 மி.லி.
உப்பு - போதுமானது
செய்முறை :
ராகி, பச்சை அரிசி மற்றும் உளுந்து பருப்பை தனித்தனியே தண்ணீரில் கொட்டி மூன்று மணி நேரம் ஊறவிடவும். முதலில் ராகியை உரலில் போட்டு ஆட்டவும். பிறகு அதோடு அரிசியை சேர்த்து அரைக்கவும். கடைசியாக உளுந்து பருப்பையும் சேர்த்து அரைக்கவும். பிறகு உப்பு சேர்த்து ஓரிரவு புளிக்க வைத்து மறுநாள் காலையில் தோசை வார்க்கலாம்.
மசாலா தோசை
தேவையான பொருட்கள் :
புழுங்கல் அரிசி - அரை லிட்டர்
பச்சை அரிசி - அரை லிட்டர்
உளுந்து பருப்பு - 200 மி.லி.
மைதா மாவு - 2 மேஜைக்கரண்டி
உப்பு - ஒரு மேஜைக்கரண்டி
எண்ணெய் - போதுமானது
செய்முறை :
இரண்டு அரிசியையும் நன்றாகக் கலந்து தண்ணீரில் ஊறப்போடவும். உளுந்து பருப்பை தனியாக ஊறப்போடவும். நான்கு மணி நேரம் ஊறியதும் அரிசியை உரலில் இட்டு ஆட்டவும். நைசாக ஆட்ட வேண்டியதில்லை. உளுந்து பருப்பை நைசாக ஆட்டி இரண்டு மாவையும் ஒன்று கலந்து மைதா மாவையும் சேர்க்கவும். பிறகு ஓர் இரவு அப்படியே வைத்து மறுநாள் காலையில் உப்பு சேர்த்து கலக்கிக் கொள்ளவும்.
பிறகு உருளைக்கிழங்கை வேகவைத்து உரித்து தனியே மசாலா தயாரித்துக் கொள்ளவும். தோசைக்கல்லை அடுப்பில் வைத்து எண்ணெய் ஊற்றி மாவை கல்லில் ஊற்றி பரப்பிவிடவும். ஒரு கரண்டி மசாலாவை நடுவே வைத்து தோசையில் ஒரு பக்கத்தை தூக்கி மசாலாவை மூடவும். புரட்டிப்போட்டு எடுத்துக் கொள்ளவும்.