முந்திரிப் பருப்பு பர்பி

முந்திரிப் பருப்பு பர்பி

தேவையான பொருட்கள் :

தேங்காய்த்துருவல் - ஒரு கப்
முந்திரிப் பருப்பு - 500 கிராம்
மைதா - ஒரு கப்
சர்க்கரை - ஒரு கிலோ
பால் - 2 கப்
நெய் - 200 கிராம்

செய்முறை :

முந்திரிப் பருப்பை தண்ணீரில் கொட்டி அரை மணி நேரம் ஊறியதும் எடுத்து அம்மியில் வைத்து நன்கு அரைத்துக் கொள்ளவும். தேங்காய் துருவலை அம்மியில் வைத்து சிறிது பால் தெளித்து நன்கு அரைத்துக் கொள்ளவும். எஞ்சியுள்ள பாலில் அரைத்த முந்திரிப் பருப்பையும், தேங்காய் துருவலையும் சேர்த்துக் கலக்கவும். அடிப் பகுதி அகலமாக உள்ள ஒரு பாத்திரத்தை அடுப்பில் வைத்து பால் கலவையை அதில் ஊற்றவும். மற்றொரு பாத்திரத்தை வேறு ஓர் அடுப்பில் வைத்து அதில் நெய்யை ஊற்றவும். நெய் காய்ந்ததும் அதில் மைதாவைப் போட்டுக் கிளறவும். பவுன் நிறம் வந்ததும் அதில் சர்க்கரையைச் சேர்த்துக் கிளறவும். தேங்காய், முந்திரிப் பருப்பு கலவையில் மைதா கலவையை ஒன்று சேர்த்து பிறகு கிளறவும். பாத்திரத்தின் ஓரத்தில் கலவை ஒட்டாத நிலை வந்ததும் நெய் பூசிய தட்டில் கொட்டிப் பரப்பி பர்பியாக வெட்டிக் கொள்ளவும்.