சாக்லெட் பர்பி

சாக்லெட் பர்பி

தேவையான பொருட்கள் :

பால்கோவா - ஒரு கிலோ
நெய் - 2 மேஜைக்கரண்டி
சர்க்கரை - 250 கிராம்
சாக்லெட் பவுடர் - 100 கிராம்
முந்திரிப் பருப்பு - 10 கிராம்

செய்முறை :

கோவாவை சிறு சிறு துண்டுகளாக உடைக்கவும். வாணலியை அடுப்பில் வைத்து அதில் பால்கோவா துண்டுகளைப் போட்டு வறுக்கவும். துண்டுகள் மிருதுவான நிலை அடைந்ததும், அதில் சர்க்கரையையும், நெய்யையும் சேர்த்துக் கிளறவும். இந்தக் கலவை வாணலியின் ஓரத்தில் ஒட்டாத பதம் வந்ததும் வாணலியை அடுப்பைவிட்டு இறக்கிவிடவும். இந்த கலவையை இரண்டு பங்காகப் பிரிக்கவும். ஒரு பங்கை நெய் பூசிய ஒரு தட்டில் கொட்டி ஒரே சீராகப் பரப்பவும். மற்ற பங்கில் சாக்லெட் பவுடர் சேர்க்கவும். கிளறி சாக்லெட் பவுடர் நன்கு ஒன்று கலந்ததும் முன்பு பரப்பியுள்ள கலவை மீது கொட்டி ஒரே சீராகப் பரப்பிவிடவும். முந்திரிப் பருப்பை துண்டுகளாக்கி இந்த கலவை மீது தூவி பிறகு வேண்டிய அளவில் துண்டுகளாக வெட்டிக் கொள்ளவும்.